جلاش بالجبن والسوسيس

المقادير:
علبه جلاشالحشوة
فلفل
طماطم
زيتون
سوسيس مقطع شرايح
جبنه رومى
جبنة برميزان
جبنة موتزرلا
نص كوب لين
بيضه
نجيب الجلاش نرصه فى الصنيه مددهونه زيت وبين كل ورقتين نمسح بالزيت لحد ما نخلص نصها
وبعدين نحط الحشوه فلفل وطماطم زيتون وسوسيس مقطع شرايح وجبنه رومى و برميزان وموتزرلا ونحط فى النص كده ونرص النص التانى وبرضو بين كل ورقتين نمسح بالفرشه زيت وبعدين لما نخلص نجيب نص كوب لين وعليها بيضه وحبة جبنه رومى وموتزريلا وزتون وطماطم وفلفل ونضربه مع بعض ونرشهم على وش الصنيه بعد طبعا مانقطع الجلاش ندخلها الفرن فى نار فوق متوسطه لحد ما الوش يستوى ويبئه شكله دهبى

الحمام الكداب

الطربقه: 
اوراك فراخ تخليها من العضم،
هتجيبى بصلتين وتبشريهم وتتبليهم بملح وفلفل ومعلقتين زبده ثم وتضيفي الكبد والقوانص المقطعين يتشوحو لغايه ما يتشوحوا وتكونى غسله كوب رز وبعدين تحطيهم على البصل وتحطى عليهم شويه ميه صغيرين يدوب بس الرز يتشرب الميه تطفى عليه بياخد 7دقايق ونكونى مجهزه الاوراك وفتحاها من النص وتبططيها خفيف وبعدين تتبليها بملح وفلفل وقرفه وجوزة الطيب وجنزبيل وتحطى جواها الرز تلفيها وتخيطيها بخيط او تقفليها بخله خشب وتلفيه رول في البلاستيك الحراري ثم الفها في الفويل تبقى ذى البونبونايه
وتخرميه بالشوكه بسيط علشان يستوى كويس وتكونى مجهزه ميه بتغلى وتحطى فيها ملح وفلفل وورق لورا حبهان وتسلقيه فيها لمده 35 او 40 دقيقه وبعد ما يستوى تطلعيه وتسيبيه يبرد وبعدين تفكيه وتدهنيه بمعلقة صلصله وعليها شويه زيت ورشة فلفل وتدخليه الفرن تحت الشوايه يتحمر

اكلات شعبية

كيكه البسبوسه

المقادير
كوب دقيق سميد بسبوسه
1|2 كوب دقيق ابيض
كوب جوز هند
3 بيض
كوب الا ربع زيت
كوب زبادي كبير
نص كوب سكر
فانيلا .
1 م ك بيكنج بودر
شربات خفيف بارد
الطريقه
ف الخلاط نضع بيضتين و سكرو زيت و فانلياو زبادي نضربهم جأمد مع بعض وبعدين نجيب طبق نحط فيه كوب دقيق سميد ونص كوب دقيق ابيض وبيكينج بودر و جوز الهند ونحط عليه الخليط اللي ف الخلاط ونضربه جأمد بالمضرب السلك اليدوى ونجيب صنيه ندهنها زيت ورشه دقيق ونحط الخليط وف الفرن 180درجه لمدة 25ق ولما تستوى نكون محضرين الشربات
كوب سكر
كوب ميه
نص ليمونه
والشربات يكون خفيف واول ما تطلع نسقيها بالشربات وهو سخن ونرش ع الوش جوز الهند ونغطيها ع تبقي طريه